Heim við 23 heiðursmerkjum í skjáttuni

Føroysku rógvararnir vunnu ikki minni enn 23 heiðursmerki, tá danmarksmeistarakappingin í inniróðri var í Gladsaxe leygardagin.

Seks vaksnir og níggju ungir føroyskir rógvarar umboðaðu Róðrarsamband Føroya.

Róð var 2000 og 1000 metrar, tríggjar og fýra minuttir og spurtir upp á 100 og 200 metrar. Flestu av føroyingunum róðu tveir róðrar, skrivar Róðrarsambandið.

Allir føroyingarnir vunnu minst eitt heiðursmerki.