Sendingar koma ikki út á heimasíðuna

Í løtuni koma ongar sendingar út á heimasíðu Kringvarpsins, tí skipanin, ið stýrir hesum, er óvirkin

Sum tann gløggi lesarin hevur lagt til merkis, so er ongin útvarpstíðindasending komin út á heimasíðuna síðani klokkan 18 í gjárkvøldið. 

Skipanin, ið syrgir fyri, at ljóð og video koma út á heimasíðuna, er óvirkin í løtuni. 

Tað hevur eisini við sær, at tað ber ikki til at leggja ljóðbrot og videobrot til tíðindi á heimasíðuni í løtuni. 

Arbeitt verður av øllum alvi við at fáa skipanina at virka aftur. 

Haldið okkum til góðar.