Stýra ikki búskapinum skynsamliga

Tjóðbankin ger nú eisini vart við haldførið í føroyska búskapinum.

Hann sigur, at hóast nógv góð ár hava verið, hevur landskassin ikki havt nevnivert yvirskot.

Demografiskar avbjóðingar gera, at neyðugt er at hava haldføri í búskapinum, sigur Tjóðbankin.

Neyðugt er at brúka góðu tíðirnar til at styrkja búskapin og fyrireika framtíðina, sigur hann.

Tjóðbankin sigur eisini, at peningastovnarnir í Føroyum eru væl fyri og betur fyri enn áður at standa móti einari møguligari kreppu.

Hákonjunkturur

Hákonjunkturur er, næstan einki arbeiðsloysi, men lønirnar eru ikki vorðnar so nógv størri. 

Inflatiónin er minkað, og tí er trýstið á prísirnar minkað nógv.

Tjóðbankin sigur, at búskapurin í Føroyum er ikki stýrdur skynsamliga nú, meðan hákonjunkturur er.

Og Føroyar hava ikki av álvara gjørt nakað við demografisku avbjóðingar í framtíðini.