Eiga at kunna velja talgilt

Nú er einki til hindurs fyri, at føroyingar kunnu velja talgilt.

Tað heldur Fólkaflokkurin, sum hevur uppskot til samtyktar um at biðja landsstýrið gera lógaruppskot um talgilda atkvøðugreiðslu á vali í Føroyum

Fólkaflokkurin heldur, at grundleggjandi fortreytirnar fyri at kunna atkvøða talgilt á tryggum grundarlagi eru til staðar.

Hann sigur, at nógv arbeiða á sjónum ella uttanlands.

Tá val verður í ótíð, er vandi fyri, at tey ikki fáa greitt atkvøðu, sigur Fólkaflokkurin.