Liberal Alliance næststørsti flokkur á fólkatingi

Liberal Alliance kann gerast næststørsti flokkur á fólkatingi.

Tað vísir nýggj veljarakanning, sum Epinion hevur gjørt fyri danska kringvarpið.

Flokkurin hevði fingið 14,6 prosent av atkvøðunum, um val var nú.

Sosialdemokratarnir stóra afturgongd

Bara sosialdemokratiski flokkurin hevði fingið størri undirtøku. Sambært kanningini hevði flokkurin fingið 21,6 prosent av atkvøðunum, sum eru umleið seks prosentstig minni enn á fólkatingsvalinum í 2022.

Framgongdin hjá Liberal Alliance hevur verið stór. Flokkurin lá fyri minni enn tveimum árum síðani til at fáa 1,9 prosent av atkvøðunum, og hevði sostatt ikki rokkið upp um tinggáttina.

50.000 vinstravelarar flýddir til Liberal Alliance

Fyrrverandi stóru flokkarnir á borgarliga veinginum, Vinstriflokkurin og teir Konservativu, fáa ávikavist 9,4 og 5,2 prosent í kanningini. Tað vil siga, at løgdu báðir flokkarnir saman, høvdu teir verið líka stórir sum Liberal Alliance í dag.

Sambært Altinget eru 50.000 vinstraveljarar farnir til Liberal Alliance, síðani Vinstriflokkurin bleiv partur av SVM-stjórnini.