Vitlíki lesur røntgenmyndir á donskum sjúkrahúsi

Tá sjúklingar á universitetssjúkrahúsinum í Aalborg taka røntgenmyndir, eru tað ikki longur fakfólk, sum hyggja at myndunum, men vitlíki.

Tað tekur vitlíki minni enn ein minutt at lesa myndirnar av, og vissan fyri at raka rætt er 98 prosent.

- Um vit megna at greina rætt í fyrstu atløgu, slepst undan mistøkum, og harvið slepst eisini undan at senda boð eftir sjúklinginum at koma aftur dagin eftir, sigur Christian Pedersen, yvirlækni á deildini fyri ortopedi.

Royndir við 14 mió. myndum

Áðrenn vitlíki bleiv tikið í brúk, var tað roynt við 14 milliónum røntgenmyndum.

Sambært Christian Pedersen, yvirlækna, eru dømi um, at vitlíki hevur funnið brot, sum starvsfólk í fyrstu atløgu ikki hava sæð.

- Dagin eftir kanna røntgenlækni og ortopedur allar røngenmyndir og journalir fyri at vita, um tað rætta er funnið á røntgenmyndunum, sigur Christian Pedersen.

Higartil er vitlíki eisini tikið í brúk á øllum skaðastovum í Norðurjútlandi.