Standa seg ikki serliga væl

Tey spurdu vóru spurd, hvussu tey hildu, at landsstýrisfólkini hava staðið seg, og har kundu gevast ummæli frá 1 til 5, har 1 er “sera illa” og 5 “sera væl”.

Í mun til undanfarnar kanningar ganga átta av níggju landsstýrisfólkum aftur, og tey fáa øll tað skoðsmál, at tey hava klárað seg undir miðal.

Sirið Steenberg hevur staðið seg best, men kemur akkurát ikki upp á miðal, tí hennara neyva ummæli er 2,96.

Ruth Vang og Margit Stórá hava størstu afturgongdina, ávikavist frá 3,1 til 2,4 og frá 3,0 til 2,2.

Kanningin vísir eisini, at veljarar hjá samgonguni halda løgmann klára seg best, men Margit Stórá og Dennis Holm fáa vánaligasta ummælið.

Veljararnir hjá andstøðuni halda hinvegin Djóna Nolsøe Joensen klára seg best, men geva Høgna Hoydal ringasta ummælið.