Klokkan verður framvegis flutt

Tað hevur Bjarni Kárason Petersen, landsstýrismaður í lógarmálum, gjørt av. Hann hevur sent út kunngerð um summartíð 2024, 2025, 2026, 2027 og 2028.

Tað hevur annars verið kjak um at gevast at flyta klokkuna. Millum annað heldur Bárður á Steig Nielsen, formaður í Sambandsflokkinum, at vit ikki eiga at flyta klokkuna.

Í Íslandi hava tey ikki flutt klokkuna síðan 1968, og nú er Grønland eisini givið at flyta klokkuna. Grundgevingin hjá grønlendsku myndugleikunum er, at Grønland vil vera nærri evropeisku klokkutíðunum.

Men í Føroyum er so kunngerð júst lýst, sum sigur, at vit skulu flyta klokkuna í mars og oktober á hvørjum ári til og við 2028.