Avlopið hálvonnur milliard

Rakstrarúrslitið hjá Bakkafrosti í fjórða ársfjórðingi í fjør var 356 milliónir krónur. 

Bakkafrost seldi fyri eina milliard og 562 milliónir krónur í fjórða ársfjórðingi.

Sølan var næstan tvær milliardir í fjórða ársfjórðingi í 2022.

Tá var sølan ein milliard og 940 milliónir krónur. 

Vinningsbýti

Í 2023 seldi Bakkafrost fyri 7,1 milliard.

Rakstaravlopið var hálvonnur milliard í fjør.

Sambært vinningsbýtispolitikkinum hjá Bakkafrosti skulu 30 til 50 prosent av vinninginum latast í vinningsbýti. 

Fíggjarstøðan hjá Bakkafrosti er sterk, og tí fer nevndin at skjóta upp á ársaðalfundinum, sum verður 30. apríl, at 8,70 krónur vera goldnar út í vinningsbýti fyri hvørt partabrævið, sigur Bakkafrost.