Brekið á Smyrli er umvælt

Brekið á Smyrli er umvælt, og skipið siglir nú aftur sum vanligt.

Tað var seinnapartin í gjár, at brek kom á ein av høvuðsmotorinum á Smyrli, og tað hevði við sær, at Smyril noyddist sigla við minni ferð.

- Ein spíssur í motorinum er skiftur, og Smyril siglir nú aftur við vanligari ferð. Brekið varð rættað í gjárkvøldið, meðan skipið sigldi, sigur Jóhan Petur Abrahamsen, rakstrarleiðari hjá Strandferðsluni.