- Tíðindi, mentan og ítróttur
Sigurd Lamhauge nýggjur stjóri í IRF
![](https://kvf.fo/sites/default/files/styles/grein-ovasta-mynd/public/tunlarnar_nordur_um_fjall-10_0.jpg?itok=auWMNAaq)
Sigurd L. Lamhauge var rættiliga hvassoraður í útvarpstíðindunum, tá ið hann meir ella minni segði, at landsstýrismaðurin í samferðslumálum, Dennis Holm, var beinleiðis orsøkin til, at hann segði upp sum stjóri í Landsverki.
Landsstýrismaðurin hevði ikki álit á sær sum stjóra, og hann tók heldur ikki ráð frá Landsverki til eftirtektar, segði nú fyrrverandi stjórin í Landsverki.
Tað er tað, ið verður rópt at smekka við hurðini.
Hetta eru ákærur, ið Dennis Holm, landsstýrismaður, staðiliga vísir aftur.
Stjóri í IRF
Men stjórahúrðin á Landsverki var ikki liðug at skelva, tá tað frættist, at Sigurd Lamhauge er settur sum stjóri í IRF í Leirvík, har hann avloysri Poul Andrias Joensen, ið fer frá vegna aldur.
Tað skrivar heimasíðan hjá interkommunala renovatiónsfelagsskapinum.
Umframt at hava verið stjóri á Landsverki í góð fýra ár, hevur Sigurd L. Lamhauge starvast í nógvum ymiskum verkætlanum sum ráðgevandi verkfrøðingur í Føroyum og uttanlands.
Hann er útbúgvin elektro-mekanikari, verkfrøðingur og Master í leiðslu, skrivar IRF.fo.