- Tíðindi, mentan og ítróttur
Suðuroyar sparikassi gott ár í fjør
Suðuroyar sparikassi gott ár í fjør
Vinningurin av virðisbrøvum er høvuðsorsøkin til úrslitið í 2023
Suðuroyar sparikassi væntar at hava seks milliónir kr. í avlopi í ár fyri skatt. (Savnsmynd)
23.02.2024 - 15:09
Í Suðuroyar sparikassa eru tey sera væl nøgd við eitt óvanliga gott ár í fjør.
Ársúrslitið í 2023 var 6,1 mió. kr eftir skatt.
Sparikassin sigur, at orsøkin til góða úrslitið er serliga vinningurin av virðisbrøvum.
Inntøkurnar av virðisbrøvum vuksu 4,7 mió. kr frá 2022 til 2023.
Í 2022 góvu virðisbrøvini eitt tap upp á 1,2 mió. kr., meðan tey í 2023 góvu ein vinning upp á 3,5 mió kr.
Grundraksturin gjørdist 59 prosent betri. Hann vaks úr 5,8 mió. kr. í 2022 upp í 9,8 mió. kr í fjør.
Útlánini eru vaksin 7,8 prosent og innlánini 1,3 prosent.
Suðuroyar Sparikassi væntar eitt avlop upp á okkurt um seks mió. kr. fyri skatt í ár.
Er kopiera
Nýggjastu sendingar í ÚV
Nýggjastu sendingar í SV
