30 milliónir til at fyrireika útboð

Landsstýrismaðurin í barna- og útbúgvingarmálum, Djóni Nolsøe Joensen, hevur biðið løgtingið um í mesta lagi 31 mió. kr. til prosjektering fram til útboð av felagsbygningi til kampuss hjá Fróðskaparsetrinum. 

Felagsbygningurin til kampuss er kjarnin í yvirskipaðari heildarætlan frá 2018 um at savna alt virksemið hjá Fróðskaparsetrinum í lestrar- og granskingarbýling, sum umfatar økið á Frælsinum, í Nóatúni og á Debesartrøð.

Felagsbygningurin verður 8.000 fermetrar.

Ósbjørn Jacobsen í Henninglarsen North Atlantic vann arkitektakappingina í juni í fjør.

Ongar viðmerkingar

Prosjekteringin, sum nú er biðið um pengar til, umfatar skipanaruppskot,  prosjektuppskot,  forprosjekt og høvuðsprosjekt.

Lógaruppskotið er gjørt í samráði við Fíggjarmálaráðið, Landsverk og Fróðskaparsetrið.

Almenn hoyringarfreist var í tríggjar 3 vikur.

Ongar viðmerkingar vóru um uppskotið, sigur barna- og útbúgvingarmálaráðið.