Færri forðingar men nakrar eru eftir

Nú eru fýra marknaforðingar eftir millum Danmark og Føroyar.

Hetta sæst í yvirliti, sum føroyanevndin og grønlandsnevndin hjá fólkatinginum hava fingið.

Síðani 30.august í fjør eru fýra marknaforðingar millum Danmark og Føroyar og Danmark og Grønland færri, og eingin er komin aftrat.

Eftir eru marknaforðingar, tá kelidýr skulu millum londini í ríkisfelagsskapinum, 

Bara til tríggjar mánaðir

Viðvíkjandi Føroyum eru forðingar, tá heilivágur skal útflytast til Danmarkar.

Orsøkin er, at Danmark hevur ikki loyvi til at innflyta heilivág úr londum, sum ikki eru í ES ella EBS.

Tað eru Føroyar ikki.

Her er talan um, tá reseptheilivágur skal sendast einstøkum sjúklingum úr Føroyum til Danmarkar. 

Sama orsøk er til, at fólk í Føroyum bara kunna taka við sær heilivág til Danmarkar til í mesta lagi tríggjar mánaða nýtslu. 

Sleppa ikki at virka í Danmark

Fjórða marknaforðingin, sum er eftir, er atgongdin hjá advokatum í Føroyum til  Minretssag.dk. 

Fyri at sleppa á Minretssag.dk. krevst MitID Erhverv. 

Og fyri at fáa tað, krevst danskt CVR-nummar. 

Advokatfelag Føroya sigur, at hendan skipanin ger, at føroyskir advokatar kunnu ikki átaka sær borgaralig mál í Danmark. 

Kannað verður, um føroyskir advokatar kunnu fáa CVR-nummar og atgongd til MitId Erhverv, so teir kunnu brúka Minretssag.dk.