Færri nýggj akfør men fleiri brúkt

Fleiri akfør vóru skrásett í mars í ár enn í mars í fjør, vísa nýggjastu tølini hjá Akstovuni.

Tey eru tó ikki nógv, bara fýra.

Akførini eru 272 í mars í ár, og tey vóru 268 í mars í fjør.

Men higartil vóru tey fleiri í fjør. Frá 1.januar til 1.apríl í fjør vóru skrásett 464 akfør, 35 fleiri enn í ár.

Persónbilarnir eru framvegis færri í ár, eisini í mars.

Men brúktu innfluttu akførini eru nógv fleiri í ár.

Tølini eru tó ikki stór.

Í mars vóru brúktu akførini 78, 56 fleiri enn í mars í fjør.

Og higartil í ár eru 150 brúkt akfør innflutt og skrásett, 99 fleiri enn í fjør. Vøksturin er næstan 200 prosent.