Talgildur bíbilskur lesiringur

Síðani í januar hevur ein talgildur lesiringur við meira enn 100 fólkum lisið ymsar bøkur í Bíbliuni.

Endamálið er at kunna skifta orð um tekstirnar fyri betri at skilja teir og at lesa Bíbliuna saman við øðrum, og alt samskifti og tos um tekstirnar gongur fyri seg á netinum. 

-Eg havi altíð havt ta sannføringina, at Bíblian er ein bók, sum eigur at verða lisin í felag, sigur Hallgerð Akurstein, samkomuleiðari í Solo deo Gloria í Klaksvík, sum hevur stovnað talgilda lesiringin. 

hallgerd_akurstein.jpg

Tú finnur lesiringin á Facebook við at leita eftir Á ferð saman.