Fótbóltur: Føroyar taptu tepurt á Kreta

Fótbóltur: Føroyar taptu tepurt á Kreta
Bert eitt brotssparksmál var á muni, tá føroyska fótbóltslandsliðið við kvinnum tapti fyri Grikkalandi á útivølli í fyrsta dystinum í nýggju EM-undankappingini
Heidi Sevdal og liðfelagarnir taptu tepurt í fyrsta EM-undankappingardystinum
Mynd: Maria Vergeti  
 
06.04.2024 - 08:45

Bestu føroysku fótbóltskvinnurnar taptu tepurt fyri Grikkalandi í fyrsta dystinum í hesi EM-undankappingini.

Einasta málið í dystinum kom upp á brotsspark 10 minuttir eftir steðgin. Tað var Veatriki Sarri, sum avgjørdi fyri grikkar, sum eru sterkasta liðið í bólkinum sambært FIFA-styrkislistanum.

 - Eg eri sum heild væl nøgd við stórar partar av dystinum. Okkara kempaðu væl, tær hildu avtalurnar, og tað eydnaðist eisini í fleiri førum at ørkymla griksku leikararnar so mikið, at tær høvdu ilt við at spæla seg ígjøgnum føroysku verjuna, segði venjarin Signe Pries Andersen við fsf.fo.

Føroyska liðið var væl við í dystinum, sum var altjóða skrásetti dystur nummar 100 hjá føroysku kvinnunum, og ørkymlaðu heimaliðið í fyrra hálvleiki. Bestu føroysku royndina átti Ásla Johannesen, men skot hennari rakti stongina. Eftir steðgin var heimaliðið sum heild omaná.

Týsdagin spæla Føroyar ímóti Montenegro á Gradski Stadion í Podgorica. Fríggjadagin vann Montenegro 6-1 á heimavølli móti Andorra.

 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592