Kinesiskur journalistur vístur úr Svøriki

Kinesiskur journalistur vístur úr Svøriki
Svenskir myndugleikar halda, at journalisturin er ein hóttan móti trygdini í landinum, og at hon hevur njósnast fyri kinesisku stjórnina
Svenska trygdarløgreglan handtók kvinnuna 9. oktober í fjør, og hon hevur sitið í varðhaldi síðani. (Savnsmynd)
 
08.04.2024 - 10:53

Ein 57 ára gomul kinesisk kvinna er víst úr Svøríki, har hon seinastu tíggju árini hevur starvast sum journalistur. 

Harumframt hevur hon fingið forboð fyri at koma aftur til landið.

Svenskir myndugleikar halda, at hon er ein hóttan móti trygdini í landinum, og at hon hevur njósnast fyri kinesisku stjórnina.

Sambært SVT hevur journalisturin í fleiri ár havt tætt samband við kinesisku sendistovuna í Svøríki og fleiri fólk, sum eru knýtt at kinesisku stjórnini.

Sambært svenska kringvarpinum kom kvinnan til landið fyri 20 árum síðan, og er gift og hevur barn við svenskum manni. 

Svenska trygdarløgreglan handtók kvinnuna 9. oktober í fjør, og hon hevur sitið í varðhaldi síðani.

Við svenska kringvarpið avsannar verjin, Leutrim Kadriu, at kvinnan er ein hóttan móti svensku tjóðini, ella at hon hevur njósnast fyri Kina:

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Gunnar Strömmer er løgmálaráðharri í Svøríki.

 

Ein svenskur dómstólur tók longu 16. november avgerð um at vísa kvinnuna  úr Svøríki, men avgerðin var kærd til hægri dómstól, sum í februar staðfesti avgerðina. 

Hósdagin staðfesti svenski løgmálaráðharrin, Gunnar Strömmer, endaliga úrskurðin hjá dómstólinum.
 

Er kopiera
Nýggjastu sendingar í ÚV
Sunnudag 11. mai
Bolero
191709
Sunnudag 11. mai
Guðstænasta í Haldórsvíkar kirkju
191708
Sunnudag 11. mai
Kallið: "Eg eri herprestur".
191424
Leygardag 10. mai
Jambalaja - 100525
191703
Leygardag 10. mai
Upp á tá - 090525
191699
Nýggjastu sendingar í SV
Mánadag 12. mai
Anna FD 564 - teknmálstulkað
191741
Sunnudag 11. mai
Møti úr Stranda missiónshúsi
191725
Sunnudag 11. mai
Andakt
191720
Sunnudag 11. mai
Undansending: Føroyar - Ukraina
191740
Leygardag 10. mai
Dagur og vika - teknmálstulkað
191687