Hondbóltur: Pernille vann á Janu

Pernille Brandenborg og Jana Mittún eru vanliga liðfelagar á føroyska landsliðnum, men í gjár stóðu tær yvirav hvørji aðrari í donsku hondbóltskappingini.

København Håndbold vitjaði Viborg í danska endaspælinum og tað vóru gestirnir við Pernille Brandenborg á liðnum, sum vunnu á Janu Mittún og Viborg.

Fyrri hálvleikur var javnur, og bert tvey mál vóru á muni í steðginum, men í seinna hálvleiki megnaði Viborg ikki at fylgja við, og København Håndbold vann 38-31. 

Føroysku landsliðsspælararnir skutu tvey mál í part. København Håndbold er í løtuni á 2. plássið í bólkinum við fýra stigum, meðan Viborg einki stig hevur fingið enn.