Føroysk revsilóg skal vera føroysk

Hóast revsilógin nú er á føroyskum, byggir hon framvegis í stóran mun á donsku revsilógina og donsku samfelagsgongdina. 

Føroyska samfelagið er minni og øðrvísi enn tað danska. 

Revsilógin er týðandi partur av grundarlagnum undir einum rættarsamfelagi.

Tí er týdningarmikið, at lógin sprettir úr samfelagnum, har lógin skal virka.

Tað heldur Løgmálaráðið, sum saman við Fróðskaparsetrinum hevur ráðstevnu um revsilógina 8. mai.

Og ætlanin er eisini, at revsilógin skal føroyskast, tað er, at lógin fer at byggja á føroysk viðurskifti, sigur Løgmálaráðið.