Frítekst tagging:
- Tíðindi, mentan og ítróttur
Nýtt á KVF Sjón: Sært tú fuglin?
Nýtt á KVF Sjón: Sært tú fuglin?
Millum likkur og másar, krákur og starar, so er tað ein ørgrynna av øðrum fuglum í Føroyum. Við Silasi Olofson fara vit ein túr at síggja fuglarnar gjøgnum hansara linsu.
16.05.2024 - 13:32
Fyrst í mai leita alskyns fuglar sær hesa ársins tíð norðureftir í summarvist. Ein tíð, tá fleiri og meira óvanligir fuglar eru at síggja í Føroyum.
Í millum likkur og másar, krákur og starar, so er tað ein ørgrynna av øðrum fuglum í Føroyum, sum tað kann vera torført at síggja ella skyna mun á. Við Silasi Olofson fara vit ein fuglatúr í Føroyum at síggja fuglarnar gjøgnum linsuna hjá Silasi. Tað gera vit í nýggju stuttrøðini "Sært tú fuglin?", sum longu nú er tøk á KVF Sjón.
Mynd: Bjarni Árting Rubeksen
Silas Olofson er kønari enn tey flestu í fuglum. Hann hevur fotograferað fuglar, síðani hann var 10 ára gamal. Og í 2022 gav hann saman við Jóruni Pólsdóttir út bókina "Fuglar okkara". Eitt stórverk í trimum bindum við 1.500 síðum.
Silas hevur seinastu árini hugtikið mong við sínum vøkru fuglamyndum, sum eisini prýða bókaútgávuna.
Mynd: Bjarni Árting Rubeksen
Í fyrsta parti verður farið til Sandoyar. Tað er eystan í ættini júst hendan dagin, og tað er sambært Silasi besta ættin at síggja flytifuglar bæði úr Skotlandi og úr meginlandinum í Evropa.
Og tí gongur leiðin til Sandoynna, sum er opin bæði frá eystan og vestan. Eisini tey stóru vøtnini eru góð mið hjá fuglum at savnast.
Mynd: Bjarni Árting Rubeksen
Men eitt sindur av hepni skal eisini til fyri at síggja teir heilt sjáldsomu fuglarnar.
Mynd: Bjarni Árting Rubeksen
Fyrsti partur verður í sjónvarpinum hóskvøldið 16. mai klokkan 20.20.
Men tú finnur fyrsta partin á KVF Sjón longu nú.
20240514_NET_WAU_SAERTTUFUGLIN
Er kopiera
Nýggjastu sendingar í ÚV
Nýggjastu sendingar í SV
