Strandferðslan hóttir við at melda bilførarar

Tað sigur Niels Juels Arge, stjóri á Strandferðsluni.

Í gjár fekk løgreglan boð um, at langar bilrøðir vóru við bensinstøðirnar í Suðuroynni, bæði í Hvalba, á Tvøroyri og í Vági, nú støðirnar norðanfjørðs eru farnar at tømast fyri brennievni, orsakað av verkfallinum.

Fólk vóru eisini norðanfjørðs. Fleiri fyltu upp í dunkar.

- Tað er strangliga bannað og sera vandamikið fyri trygdina hjá skipinum at føra dunkar við brennievni í bilinum inn á dekkið á Smyrli, sigur Niels Juel Arge.

Stjórin í Strandferðsluni hóttir við at melda bilførarar, um teir hava leysar dunkar við brennievni í bilunum.