Føroyingur í rúmdarverkætlan

Í oktober fara tey at senda eina ballón upp í Norðursvøríki, sum røkkur heilt upp stratosferuna ella miðhválvið. Tað er 30.000 metra hædd.

Níggju evropeiskar lestrarverkætlanir eru knýttar at tveimum uppsendingum.

Ein verkætlan eitur HEIMDAL, og limur í henni er føroyingurin, Bóas Hermansson.

Teirra lutur er at senda eitt framkomið myndatól, ið sær annað enn bara tað sjónliga ljósið.

Hann og ein annar lesandi hava ábyrgdina av ritbúnaðinum og skulu syrgja fyri, at myndatólið riggar í 30.000 metra hædd.

Tað er av astórum týdningi, at alt er kannað bæði væl og virðiliga, áðrenn ballónin verður send upp, vísir Bóas á. Tí eftir hetta er avmarkað, hvat tú kanst gera.

Arbeiðið er sjálvboðið og kemur aftrat lesnaðinum.

- Hetta er ein fantastiskur møguleiki at sleppa at royna seg í verki, sigur Bóas Hermansson.