Arbeiðarafeløgini harta semingsmannin

Arbeiðarafeløgini í verkfalli harta nú semingsmannin.

Í felags yvirlýsing í gjárkvøldið siga feløgini seg harmast um, at semingsmaðurin fer alment út við ábreiðslum móti samskiparanum hjá Samtaki, Sonju Jógvansdóttir.

Terje Sigurðsson, semingsmaður, segði við tíðindaportalin in.fo í gjár, at hann var sera misnøgdur við, at Sonja Jógvansdóttir úttalaði seg um semingsroyndina, hóast hann hevði givið pørtunum boð um, at tað bara er semingsmaðurin, sum úttalar seg.

- Eg veit ikki, hvønn leiklut Sonja Jógvansdóttir hevur. Hon er so ikki partur av samráðingunum. Men hevði tað verið ein av formonnunum í arbeiðarafeløgunum, sum úttalaði seg soleiðis, so hevði tað fingið avleiðingar, segði Terje Sigurðsson við in.fo í gjár.

Fakfelagsleiðarar, arbeiðarafeløg í verkfalli, Absalon Hansen, Heri Reynheim, Jastrid Wolles Niclasen, Georg F. Hansen

Forfólkini í teimum fýra arbeiðarafeløgunum í verkfalli hava skrivað undir felags yvirlýsingina. 

Semingsmaðurin hevur ikki avgerðina

Hetta vilja arbeiðarafeløgini í verkfalli ikki hava sitandi á sær. 

- Vit halda ikki tað tænir nøkrum av pørtunum, og als ikki semingsstovninum, at fara alment út við slíkum skuldsetingum.
Tað er og verður ongantíð Terji Sigurðsson, sum kemur at avgera, hvør er partur av samráðingartoyminum. Sonja Jógvansdóttir er týðandi partur av samráðingartoyminum hjá fakfeløgunum, og hevur seinastu vikurnar lagt nógv fyri at tryggja verkafólki ordiliga løn, siga fakfeløgini í felags yvirlýsing.

Yvirlýsingingin er undirskrivað av Hera Reynheim, formanni Havnar Arbeiðarafelag, Georg F. Hansen, formanni í Føroya Arbeiðarafelag, Jastrid Wolles Niclasen, forkvinnu í Klaksvíkar Arbeiðskvinnufelag og Absalon Hansen, formanni í Klaksvíkar Arbeiðsmannafelag.

arbeiðarafeløg og verkfall, Terje Sigurðsson, Páll Nielsen, Kristoffur Laksá, semingsstovnurin

Frítekst tagging: 

arbeiðarafeløg og verkfall

Terje Sigurðsson

Páll Nielsen

Kristoffur Laksá

Semingsstovnurin

Bjarni Árting Rubeksen

Tað var eftir fundin við umboð fyri arbeiðarafeløgini og arbeiðsgevararnar fyrrapartin í gjár, at semingsmaðurin metti, at grundarlag var fyri at fara undir nýggja semingsroynd. (Mynd: Bjarni Árting Rubeksen)

Semingin byrjar i dag

Semingsroyndin, sum skuldi byrja í morgin, er framskundað til í dag klokkan 15.

Í gjár boðaði Terje Sigurðsson, semingsmaður, frá, at nú var grundarlag fyri taka semingsroyndina við fakfeløgini í verkfalli og arbeiðsgevararnar uppaftur.

Avgjørt var at semingin skuldi byrja í morgin. Men stutt fyri nátturða í gjárkvøldið var semingsroyndin framskundað til í dag.

- Vit halda, at hetta skal gerast so skjótt sum til ber, segði Terje Sigurðsson, í stuttari viðmerking í gjárkvøldið.

Terje Sigurðsson roknar við, at tey fara at samráðast alt vikuskiftið.