Er glotti at hóma hjá botnfiski í 2024?

Føroyski toskastovnurin er vorðin søguliga lítil, og hetta er helst úrslit av bæði ovurfiskiskapi og broytingum í havumhvørvinum. Men hvørji eru útlitini fyri toski, hýsu og upsa í 2024?

Petur Steingrund, fiskifrøðingur, og Hjálmar Hátún, havfrøðingur, vóru í útvarpsstovuni í morgun og tosaðu um støðuna hjá botnfiskinum undir Føroyum. Eftir nøkur løk ár sær út til, at liviumstøðurnar hjá botnfiski eru batnandi.

Lurta eftir samrøðuni við Petur Steingrund og Hjálmar Hátún í Góðan Morgun Føroyar. 

Tekin um eina batnandi støðu hjá stovninum eru:

•  Gróðurin í havinum hevur verið góður, og nógv yngul hevur verið at sæð. Tað var upp á tað tað hægsta í 2024
•  Yvirlitstrolingar við Jákupi Sverra á sumri 2023 vístu, at toskurin var væl í holdum
•  Fiskimenn hava havt hampiligan fiskiskap í vetur, og toskurin var fullur í nebbasild og væl fyri
• Yvirlitstrolingin á Landgrunninum í mars vísti eitt vet meira av toski enn tey undanfarnu fýra árini, og nógv er til av smáhýsu
• Fuglateljingar geva ábending um økt tal av floygdum pisum hjá sjófugli (lomviga, ritu, ternu og lunda) í 2023

Hetta eru góðar ábendingar um, at umstøðurnar hjá botnfiski áttu at verið góðar, men kortini kann mann ikki við vissu siga, um toskastovnurin fer at taka seg upp aftur.

Kelda: Hav.fo