Føroyar eru nú nummar 29 á hvítalista

Føroyar eru komnar eitt pláss upp á hvítalista hjá Paris MoU.

Føroyar eru nú nummar 29 av 42 flaggstatum á listanum.

Fyri at vera á hvítalista, sum er listi við flaggstatum við stórari góðsku, skulu skip undir flagginum hava lutfalsliga fá afturhald samaborið við eftirlit. 

Afturhildin fýra ferðir

Í trý ára tíðarskeiðnum, sum listin fevnir um, eru føroysk skip afturhildin fýra ferðir í 217 kanningum.

Danmark er nummar eitt á listanum og Jersey nummar 42.

Besta plássið hjá Føroyum var í 2014, tá Føroyar vóru nummar 26.

Paris MoU er altjóða felagsskapur, sum hevur eftirlit við, at skip, sum koma í havn, halda øll altjóða krøv.