Fongsulsrevsing fyri at smugla MDMA til Føroya

Ein kvinna er í Føroya rætti dømd eitt árs fongsulsrevsing, og ein maður halvtannað ár fyri at hava 160 gramm av rúsevninum MDMA við sær til Føroya tann 30. mars.

Revsingin er treytaleys.

Tey eru bæði donsk.

Hon hevði rúsevnini innvortis, í móðurskeiðini.

Føroyingur frídømdur

Ein føroyingur var eisini ákærdur, tí ákæruvaldið heldur, at hann skuldi hava rúsevnini. Men hann var frídømdur.

Tey bæði dømdu bóðu um tíð at umhugsa, um tey skulu í Landsrættin við dómunum. 

Ákæruvaldið bað eisini um umhugsanartíð. 

Umhugsanartíðin er 14 dagar.

MDMA er tað sama sum ecstasy.