Misskiljing at Enniberg var afturhildin

-Talan var um eina misskiljing, tá ið Enniberg fyrr í vikuni var afturhildin av russiskum myndugleikum. 

Tað sigur Mortan Johannesen, reiðari. 

- Tvær rapportir vóru taldar dupult. Vit hava síðani funnið feilin, og hann er rættaður. Tað var ikki, tí Enniberg hevði fiskað ov nógv, sigur Mortan Johannesen. 

Bíðaðu til feilurin var funnin 

- Vit góvust við fiskiskapinum og bíðaðu, til feilurin var funnin. Síðani var hildið fram við fiskiskapinum, sigur hann. 

Spurdur, hvussu hetta ávirkaði fiskiskapin hjá Ennibergi, svarar Mortan Johannesen, at tað kom illa við, tí tað var rokfiskiskapur, og teir vóru afturhildnir í fýra dagar. 

- Men, tað gerst ikki við, leggur hann aftrat.