Eingin familjudepil er ein meinbogi

At ikki ber til at vísa familjum til familjudepil er ein órímiligur meinbogi, sum ger føroyska barnaverndararbeiðið ófullfíggjað. 

Vantandi familjudepilin hevur nú á triðja ári merkt virksemi okkara. 

Hetta sigur Barnaverndarstovan í ársfrágreiðing sínari fyri 2023.

Í fyrsta lagi er avleiðingin, at barnaverndartænastunum vantar amboð til neyvar eygleiðingar av foreldraførleika. 

Í øðrum lagi, at foreldrini ikki fáa møguleikan at búnast sum foreldur, samstundis sum tey vera eygleidd og fáa ráðgeving. 

Hetta ger, at neyðugt er, at sálarfrøðingar gera foreldraførleikakanningar. Tað hevur við sær stórar eykaútreiðslur. 

Niðurstøðan er, at sloppið kundi vera undan umsorganaryvirtøkum.

Og børn vera í summum førum verandi í heimum, har tað møguliga var fyri barnanna besta, at tey vóru sett heiman, sigur Barnaverndarstovan.