Fuglakrím kann framvegis ikki útilokast

Fuglakrím kann framvegis ikki útilokast
Hóast nú er nakað síðani, at trupulleikar hava verið av fuglakrími í Føroyum, kann ikki útilokast, at einstakir villir fuglar hava sjúkuna, sigur Heilsufrøðiliga starvsstovan
Umráðandi er, at heimafuglur ikki fær fuglakrím.
 
10.07.2024 - 06:42

Hóast nú er nakað síðani, at trupulleikar hava verið av fuglakrími í Føroyum, kann ikki útilokast, at einstakir villir fuglar hava sjúkuna, sigur Heilsufrøðiliga starvsstovan.

Sannlíkindini fyri, at tað slagið av fuglakrími, sum er í Føroyum, smittar fólk eru sera lítil, men tað kann koma fyri.

Tí biður Heilsufrøðiliga starvsstovan fólk um ikki at nerta við sjúkan ella deyðan fugl, men siga Heilsufrøðiligu starvsstovuni frá.

Men er deyður fuglur til ampa, til dømis í túni ella á gøtu, eigur hann at vera burturbeindur við at taka hann varisliga í ein plastposa uttan at nerta við hann.

Fuglurin kann tá burtubeinanst sum vanligt húsarhaldsburturkast.  

Súgdjór kunnu eisini fáa fuglakrím. 

Í vár kom fráboðan um neyt í USA, sum vóru smittað. 

Í einstøkum føri hava neytini smittað fólk.

Fólk ikki smittað

Enn er ikki staðfest, at fólk hava smittað fólk við hesum slagnum av fuglakrími, sigur Heilsufrøðiliga starvsstovan.

Hon sigur, at um heimafuglur verður fóðraður innandura ella undir taki, vera færri villir fuglar drignir til økið.

Smittuvandin minkar tí nógv. 

Fótbúnaður kann eisini lættliga verða dálkaður av fuglaskarni ella øðrum frá villum fugli.

Tí verður rátt til at reinsa fótbúnaðin áðrenn og aftaná farið verður í høsnarhús og inngirðingar. 

Og fólk, sum verið á fuglaveiðu ella hjá flogfenaði uttanlands, eiga at halda seg burtur frá heimafugli í Føroyum í minst 48 tímar.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Sunnudag 22. november
Andaktin
216792
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631