Val til at umsita stóra ogn

Í september verður val til umboðsráðið í Ognarfelagi tryggingartakaranna, sum eigur Betri samtakið.

Freistin at stilla upp er 31. august.

Valið verður frá 6. til 24. september.

Val er annaðhvørt ár.

Helvtin av umboðsráðslimunum verður tá vald. Valskeiðið er fýra ár.

So tey, sum blivu vald í 2020, standa fyri vali nú.

Øll, sum hava trygging hjá Betri, kunnu stilla upp.

Tey kunnu eisini vera stillarar.

Hvørt valevni skal hava 25 stillarar.

17 vald í 2022

Í 2022 blivu 17 fólk, 15 menn og tvær kvinnur, valdar í umboðsráðið hjá Ognarfelagnum.

Tá atkvøddu 6.236 tryggingartakarar.

Umboðsráðið hevur stórt vald í Betri samtakinum.

Tað velur til dømis nevndina í Ognarfelagnum, sum eigur Betri.

Umboðsráðið avger eisini, hvussu avlopið hjá Betri samtakinum skal brúkast til frama fyri limirnar, altso tryggingartakararnar.

35 fólk eru í umboðsráðnum.