Í fyrsta lagi næsta vár at arbeiðsvikan verður stytt

Tað verður í fyrsta lagi næsta vár, at landsstýrið kemur við uppskoti um at stytta arbeiðsvikuna.

Arbeiðsvikan skal styttast við lóg.

Hon skal vera 37 tímar.

Arbeitt hevur verið við at finna semju um leist í trípartasamráðingum við partarnar á arbeiðsmarknaðinum.

Privatu arbeiðsgevarnir vilja tó ikki vera við longur í hesum samráðingunum, eftir lønarhækkingina hjá arbeiðarafeløgunum í summar.  

Tað er ikki rætt at sleppa ætlanini um at stytta arbeiðsvikuna, segði  Aksel V. Johannesen, løgmaður, tá.

Arbeiðsvikan skal styttast ein tíma annaðhvørt ár, til hon er komin niður á 37 tímar.