Andrias tók málið á sín kappa

Leikluturin hjá Andriasi Edmundsson í javnleikinum ímóti Kasakstan var onkursvegna eitt sindur øðrvísi enn vanligt.

Verona-verjuskansin kom framvið og legði væl upp, tá Áki Samuelsen skeyt Føroyar framum, men sveik kanska eisini, tá Kasakstan javnaði við skallara eftir hornaspark miðskeiðis í fyrra hálvleiki.

 - Eg havi ikki sæð tað umaftur, men mín kensla var, at tað var eg, sum átti hann, segði Andrias Edmundsson.

Klæmint A. Olsen, sum var viðmerkjari hjá Kringvarpinum, spurdi nærri um túrarnar frameftir, sum millum annað høvdu leiðslumálið við sær. Andrias Edmundsson segði, at hugskotið kemur úr Italia.

 - Tey flestu liðini har spæla við fimm í verjuketuni, og teir uttaru stoppararnir skul renna í økið aftanfyri teirra bakk og fáa innlegg, og tað gevur kjansir, segði verjuspælarin.

Týsdagin klokkan 17.00 spæla Føroyar aftur í Nations League, tá Moldova tekur ímóti. Kringvarpið byrjar at senda frá dystinum klokkan 16.30.