Sára Maria Johansen: "Eg vil gjarna rógva víðari við áttaranum"

Sára Maria Johansen: "Eg vil gjarna rógva víðari við áttaranum"
Tárini trillaðu enn einaferð hjá manningini í danska OL-áttaranum við kvinnum, ið gjørdust ov stuttar til eitt finalupláss
Sára Maria Johansen beint eftir róðurin fyrrapartin, ið staðfesti, at tær ikki koma í OL-finaluna
Mynd: Jakob Melgaard  
 
01.08.2024 - 11:09

Sára Maria Johansen úr Froðba harmaðist um, at OL-luttøkan fyri danska áttaran við kvinnunum nú er av. 

"Tað eru heimsins bestu rógvarar, ið vit kappast ímóti, so tann sannroynd at vit endaðu nummar sjey merkir, at vit eru sjeynd best í heiminum. Vit hava vunnið á stórum rógvitjóðum ávegis hertil. Kina vann bronsu við seinasta OL, men vit hava sligið tær út í ár. Tað fara vit ongantíð at gloyma, og tað kunnu vit taka við okkum víðari", staðfesti Sára Maria Johansen, tá Jakob Melgaard, journalistur, fekk orðið á hana beint eftir róðurin. 

Heldur OL-áttarin fram at rógva saman?

"Tað veit eg ikki. Tað avgerð danska ítróttasambandið, Team Danmark og danska rógvisambandið. Men eg vil gjarna halda fram. Eg vóni, at hetta bara er byrjanin hjá danska áttaranum.

Dreymaáttarin!

"Tað er framvegis dreymaáttarin, tí tá mann hevur torað at droymt stórt, og tað endar her, so er tað harmiligt. Nú eru vit níggju vinkonur, ið hava tað gott saman. Vit fara aftur til OL-býin at njóta OL sum olympisk ítróttafólk, og so skulu vit út at stuðla hinum donskum ítróttafólkunum", segði Sára Maria Johansen, áðrenn hon fór yvir at geva sjeikinum og pápanum, ið vóru komnir til París at stuðla, eitt klemm.

 

Er kopiera
Nýggjastu sendingar í ÚV
Leygardag 8. februar
Morgunlestur leygardagur 8.februar 2025
186656
Fríggjadag 7. februar
Vikuskiftið 7 februar 2025
187506
Fríggjadag 7. februar
Brot úr Føroya søgu
187467
Fríggjadag 7. februar
Breddin: Grønland
187466
Nýggjastu sendingar í SV
Fríggjadag 7. februar
Veðrið
187497
Fríggjadag 7. februar
Jazzygold og Løgmaður
187369
Fríggjadag 7. februar
Heim, kæra heim (3:3)
187463
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342