17. umfar: Toppur møtir botni í kvøld

17. umfar í bestu fótbóltsdeildini við monnum verður endaliga avgreitt í kvøld. 

Umfarið varð tjóvstartað á ólavsøkudag, tá B68 og NSÍ spældu móti hvørjum øðrum frammanfyri 2.300 fólkum á Tórsvølli.

Tann dystin vann NSÍ greitt 4-1. Málini skutu Beinir Nolsø, Klæmint A. Olsen, meðan Steffan Løkin stey tvey. Málið hjá B68 skeyt Alex Mellemgaard, tá hann setti 

Í gjár vann KÍ sannførandi 4-0 á útivølli á Dugnasandi móti 07 Vestur. Nýggi maðurin hjá KÍ, hin raski og ágrýtni Kristoffer Ødemarksbakken, skoraði tvey mál, meðan lokalu hetjurnar í Klaksvík, Jóannes Danielsen og Páll Klettskarð, skoraðu hini bæði. 

KÍ ájavnt við HB

Í kvøld verða síðstu dystirnir spældir, og tað verður, eins og undanfarnu dystirnir, toppur móti botni. 

Í Gundadali í Havn tekur HB ímóti Skála, EB/Streymur tekur ímóti B36 við Margáir, og í Fløtugerði í Fuglafirði er grannauppgerð millum ÍF og og Víkingur.

Allir dystirnir byrja klokkan 18:30.

Við sigrinum í gjár er KÍ nú ájavnt við HB á øðrum plássi. Bæði liðini hava 39 stig, men HB hevur tó leikt ein dyst færri.

Víkingur er framvegis oddalið við 45 stigum.