Flogferðslan nógv tarnað av ringa veðrinum

Flogferðslan er nógv tarnað av vindinum, sum var í gjár.

Øll flogførini, sum skuldu avstað, fóru, men tað gekk verri at fáa flogførini til Føroya.

Tí endaði tað við, at tey seinastu flogførini, sum skuldu koma í gjárkvøldið, vóru avlýst og flutt til í dag.

Og hóast tað kanska er eitt sindur minni vindur í dag, er flogferðslan enn ávirkað. Tað sæst aftur á, at nógvar seinkingar eru.

Tvey flogfør eru lend fyrrapartin, men so at siga øll onnur vera seinkað. Okkurt so nógv, at tey ikki lenda fyrr enn seint í nátt.

Gongur eftir ætlan, eru 13 flogfør lend og fýra flogfør farin, tá hesin dagurin er liðugur.