Skiparin á John Paul deJoria í landsrættin

Mikudagin fer Eystari landsrættur at viðgera málið hjá skiparanum á John Paul deJoria, skipinum hjá Paul Watson.

Skiparin, Daniel Binyon, fekk 157.000 krónur í sekt í Føroya rætti í juli í fjør.

Hann skeyt dómin inn fyri landsrættin, sum skal viðgera hann í Havn mikudagin.

Skiparin var dømdur fyri at hava brotið forboðið, sum skipið fekk fyri at fara inn um føroyska 12 fjórðinga markið.

Sektin var tvær ferðir 75.000 kr. fyri tvey brot á kunngerðina um 12 fjórðinga markið.

Og hann fekk 7.000 krónur í sekt fyri at bróta reglur um pass og tolleftirlit.