Seinna hálvfinalan ikki í dag

Seinna hálvfinalan í kappingini um Løgmanssteypið millum Víking og HB, sum skuldi spælast seinnapartin í dag, verður kortini ikki.

Dysturin er útsettur vegna veður. Sum skilst verður dysturin fluttur til í morgin, fríggjadagin, klokkan 17:30 í staðin.

Veðurforsagnirnar siga frá nakað av vindi í dag, og tí verður bundið um heilan fingur. Hetta er aðru ferð, at seinna hálvfinalan er útsett.

19. juni var støðan 1-1 í Sarpugerði, tá dysturin var blástur av, tí ikki var spælandi fyri veður. HB vann fyrru hálvfinaluna í Gundadali 1-0.

"Veðurforsagnirnar siga frá nakað av vindi í dag, og tí verður bundið um heilan fingur," sigur Róin Schrøder, formaður í Kappingarnevndini hjá Fótbóltssambandinum.