- Tíðindi, mentan og ítróttur
Føroyski talukennarin fer at gagna øllum
![](https://kvf.fo/sites/default/files/styles/grein-ovasta-mynd/public/talukennari_karin_kass.jpg?itok=stVK3Dd6)
Skriva við tíni føroysku rødd.
Nú er føroyskur talukennari virkin. Hann skilir føroyska talu og skrivar føroyskan tekst við neyvleika.
Talukennarin fer at gagna øllum, men kanska mest teimum, sum ikki hava førleikarnar at lesa og skriva rætt.
- Grundarlagið er lagt. Tað er har vit eru í dag, sigur Karin Kass, leiðari í Sjóndeplinum, nú talukennarin loksins er komin.
Ein av teimum, sum roknar við at fara at brúka føroyska talukennaran nógv, er kontrysangarin Hallur Joensen.
- Eg plagi at smílast og siga, at eg var ikki í skúla tann dagin, vit høvdu um ð, sigur Hallur Joensen og leggur afturat, at hetta verður ein ótrúlig hjálp til okkum øll.
Føroyski talukennarin er ókeypis fyrstu 30 dagarnar. Hann er at finna á heimasíðuni www.dictus.fo
Hoyrið innslag her: