Hassjmálið: Tveir menn fingu harðari revsing í Landsrættinum

Hassjmálið: Tveir menn fingu harðari revsing í Landsrættinum
Menninir fingu ávikavist tveir og tríggjar mánaða fongsulsrevsing aftrat, men hetta er minni enn ákæruvaldið kravdi
Landsrætturin herdi revsingina hjá tveimum ungum monnum í stóra hassjmálinum.
 
29.08.2024 - 10:22

Ákæruvaldið fekk Landsrættin at døma tveir ungar menn, sum vóru ákærdir í sonevnda stóra hassjmálinum, harðari revsing enn teir fingu í Føroya rætti.

Teir fingu tvey ár og sjey mánaðir og tvey ár og tríggjar mánaðir í Føroya rætti.

Í Eystari landsrætti fingu teir ávikavist tveir og tríggjar mánaðir aftrat.

Hetta er tó minni, enn ákæruvaldið kravdi. Tað kravdi ikki minni enn trý ár.

Menninir hava verið í varðhaldi í meira enn eitt ár. Og har eru teir enn, men nú sita teir dómin.

 

50,5 kilo av hassji

Málið er stórt, tí talan er um 50,5 kilo av hassji.  

Ein triði maður, hann er úr Litava, var fríkendur fyri at hava smuglað og selt rúsevni, men hann er dømdur fyri harðskap, hóttanir eftir lívinum og frælsistøku av tí eina føroyinginum. 

Hann fekk fýra mánaðir og var vístur av landinum. 

Hann hevur ikki søkt um endurgjald fyri tíðina, hann var í varðhaldi longur enn hann var dømdur at sita.

Ákæruvaldið appelleraði ikki fyri frídømingina fyri hassjið.


 

Er kopiera
Nýggjastu sendingar í ÚV
Nýggjastu sendingar í SV
Mikudag 14. mai
Dagur og vika - teknmálstulkað
191842
Týsdag 13. mai
Grønir fingrar (3:3)
191776
Týsdag 13. mai
Veðrið
191826
Týsdag 13. mai
KAKUMiKS (1:7) - teknmálstulkað
191815