- Tíðindi, mentan og ítróttur
Spyr um vegin til Funnings
Spyr um vegin til Funnings
Løgtingsmaðurin Magnus Rasmussen vil nú hava at vita, nær arbeiðið at breiðka vegin gjøgnum bygdina í Funningsfirði verður gjørt
![](https://kvf.fo/sites/default/files/styles/grein-ovasta-mynd/public/funningsfjordur_faroe_islands_2.jpg?itok=ZhpLEhHI)
31.08.2024 - 09:38
Tingmaðurin vísir á, at í fíggjarlógini fyri í ár eru tvær milliónir krónur settar av til framhaldandi vegagerð gjøgnum bygdina í Funningsfirði. Í fleiri ár eru pengar settir av til at dagføra og breiðka vegin, og arbeiði er so gjørt, til pengarnir eru uppi.
Í viðmerkingunum til grein-52 fyrispurning skrivar Magnus Rasmussen, at nú árið er farið at halla, sæst einki til, at nakað er gjørt ella verður gjørt. Tí spyr hann Dennis Holm, landsstýrismann í samferðslumálum, nær farið verður ígongd, og nær arbeiðið verður liðugt fyri ta játtan, sum er sett av á fíggjarlógini fyri 2024.
Tað var heilt afturi í 2019, at Landsverk byrjaði arbeiðið at breiðka vegin frá vegnum millum Fjarða til Funningsfjørð.
Nýggjastu sendingar í ÚV
Nýggjastu sendingar í SV