Misjavnir svimjiførleikar

Svimjisambandið verður frá 18. til 20. oktobur vertur fyri norðurlendskari ráðstevnu um svimjifrálæru, sum verður í Norðurlandahúsinum og í Svimjihøllini í Gundadali í Havn.

- Málbólkurin er svimjivenjarar og lærarar í Føroyum og uttanlands, sum vilja dagføra seg um, hvussu ein best lærir fólk at svimja, sigur Rókur í Jákupsstovu, formaður í Svimjisambandinum.

Tá ið tað kemur til svimjiundirvísing og svimjiførleikar kring landið, er hon skiftandi.

- Fyri at rósa onkrum, so duga børn og vaksin væl at svimja í Klaksvík, men okkara seinasta kanning vísti, at tað stóð heilt illa til í eitt nú Suðurstreymoy, sigur formaðurin í Svimjisambandinum.

- Vit hava nógvar smáar svimjihyljar, har mong hava lært at svimja, men vit hava mangla eitt sindur av teimum størru hyljunum, men nú kemur so langhylurin í Havn og næsta ár ein hylur í Runavík, og tað fer at bøta nógv um støðuna.

Her kanst tú hoyra samrøðu við Rók í Jákupsstovu:

2024-09-08-Rokur-i-Jakupsstovu