Keypmannahavn dyrgir eftir at vera vertur fyri summar-OL

Keypmannahavn er farið at kanna møguleikarnar fyri at gerast vertur fyri olympisku summarleikunum.

Kommunan í Keypmannahavn sigur sambært DR í einum tíðindaskrivi, at hon hevur sett eina hálva millión av á fíggjarætlanini fyri 2025 til at kanna møguleikarnar fyri at fáa leikirnar til Keypmannahavnar. Samstundis ætlar Keypmannahavn eisini at bjóða seg fram at skipa fyri ungdóms-OL.

Tað er longu avgjørt, at olympisku leikirnir í 2028 vera í Los Angeles og í 2032 í Brisbane í Avstralia. Tískil kann eitt OL í Keypmannahavn í fyrsta lagi vera í 2036.

Eitt ungdóms-OL kann vera í 2030.