Søren Espersen stillar ikki upp aftur

Danski fólkatingsmaðurin Søren Espersen stillar ikki upp aftur til næsta fólkatingsval.

Tað sigur hann við Ritzau í dag.

Søren Espersen hevur ofta verið bersøgin um viðurskiftini millum Føroyar og Danmark og um ríkisfelagsskapin sum heild. 

Hann hevur millum annað talað at, tá Føroyar umhugsaðu at fáa 5G-net frá kinesisku fyritøkuni Huawei, og tá Føroyar viðurkendu Jerusalem sum høvuðsstað í Ísrael. Og í 2016 kallaði hann Tórbjørn Jacobsen, sum tá sat á Fólkatingi, fyri "ófólkaligan":

71 ára gamli Søren Espersen hevur sitið á Fólkatingi síðan 2005. Til 2022 var hann limur í Danska fólkaflokkinum, men í 2022 skifti hann til nýggja flokkin hjá Inger Støjberg, Danmarksdemokraterne.