Rætting: Liljan hevði givið Høgna boð

Liljan Weihe hevði boðað Høgna Hoydal og Tjóðveldi frá, at hon tók undir við misálitinum á Ingilín D. Strøm, og hon gekk út frá, at boðini vóru borin víðari.

Í samrøðu við Aksel V. Johannesen, løgmann, segði journalisturin, at Liljan Weihe fleiri ferðir hevði boðað løgmanni frá, at hon fór at taka undir við misálitinum. Hetta fekk løgmann til at svara, at "Liljan lýgur".

Hetta var ein misskiljing.

- Eg havi samskift við løgmann um hetta, og hann hevur givið mær eina umbering fyri at siga, at eg lúgvi, sigur Liljan Weihe.

Talan er um eina skeiva orðing í einum spurningi frá Kringvarpinum, sum førdi til hetta. Vit biðja um umbering fyri mistakið.