Signe gevst sum landsliðsvenjari

Signe gevst sum landsliðsvenjari
Eftir gott hálvtannað ár í sessinum eru FSF og Signe Pries Andersen vorðin samd um, at sáttmálin, sum gongur út við árslok, ikki verður longdur
Signe Pries Andersen hevur staðið á odda fyri fótbóltslandsliðnum við kvinnum í gott hálvtannað ár
Mynd: Hans Erik Danielsen / FSF  
 
31.10.2024 - 16:49

Signe Pries Andersen gevst sum venjari hjá bestu føroysku fótbóltskvinnunum.

Sáttmálin, sum gongur út við árslok, verður ikki longdur, skrivar Fótbóltssamband Føroya.

 - Hetta hevur verið ein ótruliga spennandi og mennandi tíð, sum eg havi verið sera glað fyri. Men nú er tíðin komin at royna okkurt annað, og eg vil ynskja FSF, kvinnulandsliðnum, føroyskum fótbólti, og øllum teimum mongu fryntligu fólkunum, sum eg havi møtt hesa tíðina, eg havi verið í Føroyum, alt tað besta, sigur Signe Pries Andersen.

Arbeiðið at finna og seta nýggjan landsliðsvenjara til kvinnurnar fer í gongd beinanveg, og FSF vónar at ein loysn er funnin, áðrenn februar mánað komandi ár, tá næstu uppgávurnar hjá kvinnulandsliðnum er á skránni.

 - Vit hava verið væl nøgd við tað arbeiði, sum Signe Pries Andersen hevur lagt í uppgávuna at virka sum føroyskur landsliðsvenjari, umframt ymiskt annað, ið hon hevur staðið fyri. Men nú skiljast vit í sátt og semju, og vilja ynskja henni alt tað besta framyvir, sigur Pætur Smith Clementsen, tekniskur stjóri í FSF.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486