Bakkafrost næstan 100 milliónir verri

Lágir laksaprísir, ILA í tveimum ringum í Vági og verkfallið gjørdu fíggjarliga úrslitið hjá Bakkafrosti í triðja ársfjórðingi verri enn í triðja ársfjórðingi í fjør.

Rakstrarúrslitið í triðja ársfjórðingi hjá Bakkafrost-samtakinum var 173 milliónir krónur.

Tað var 269 milliónir í triðja ársfjórðingi í fjør.

Fyri at varðveita kappingarførið hevur Bakkafrost sett nógv sparitiltøk í verk í Skotlandi.

Eitt tiltak var lata aftur virkið í Marybank í juli.

Laksaprísurin var lágur allan ársfjórðingin.

Men serliga í fyrru helvt í 2025 væntar Bakkafrost høgar laksaprísir.