EM-kvinnurnar tiknar út

Landsliðsvenjararnir, Claus Mogensen og Simon Olsen, hava tikið 18 spælarar út sum skulu umboða Føroyar í EM-endaspælinum í Sveis.

Føroyar spæla sín fyrsta dyst ímóti Sveis 29. november, og síðan eru Kroatia og Danmark á skránni. 16 spælarar vera á dómaraseðlinum til hvønn dyst.

Føroyska liðið savnast aftur 18. november til venjingar í Føroyum. Fríggjdagin 22. og leygardagin 23. november spæla Føroyar venjingardystir móti ligalandsliðnum hjá Svøríki. Hesir verða í Klaksvík og á Skála.

Mikdagin 27. november ferðast liðið til Basel.

Føroyski EM-hópurin

Málverjar
Annika Fríðheim Petersen, EH Aalborg (DEN)
Rakul Wardum, Ringkøbing Håndbold (DEN)

Vengur
Lív Sveinbjørnsdóttir Poulsen, EH Aalborg (DEN)
Brynhild Pálsdóttir, H71
Rannvá Olsen, VÍF
Anna Elisabeth Halsdóttir Weyhe, H71
Turið Arge Samuelsen, Kyndil

Strikur
Pernille Brandenborg, København Håndbold (DEN)
Bjarta Osberg Johansen, Kyndil
Brynja Høj, Neistin

Bakkar
Elsa Egholm, H71
Lukka Arge, H71
Jana Mittún, Viborg HK (DEN)
Maria Pálsdóttir Nólsoy, HH Elite (DEN)
Bjørk Franksdóttir Joensen, Randers HK (DEN)
Súna Krossteig Hansen, Skanderborg Håndbold (DEN)
Lív Bentsdóttir Zachariasen, Ajax København (DEN)
Marita Mortensen, HØJ (DEN)

Dystarskráin

Fríggjadagin 29. november klokkan 17.00: Sveis – Føroyar
Sunnudagain 1. desember klokkan 14.30: Kroatia – Føroyar
Týsdagin 3. desember kl. 17.00: Føroyar – Danmark