USA: Ivi um ráðharraevni

USA: Ivi um ráðharraevni
Pete Hegseth, sum Donald Trump hevur kosið sum ráðharra í nýggju stjórn síni, hevur verið kannaður fyri møguligan kynsligan ágang.
Fox News-tíðindavertin, Pete Hegseth, ger samrøðu við komandi forsetan, Donald Trump
Mynd: Kevin Lamarque/Reuters  
 
16.11.2024 - 18:35

Komandi amerikanski forsetin, Donald Trump, hevur kosið Fox News-tíðindavertin, Pete Hegseth sum nýggjan verjumálaráðharra.

Men nú er komið fram, at hann í 2017 varð kannaður fyri møguliga at hava framt kynsligan ágang.

Hósdagin váttaði politiið í Monterey í Kalifornia, at Hegseth var kannaður fyri at hava gjørt seg inn á eina kvinnu á einum gistingarhúsi tann 8. oktobur í 2017, skrivar norska tíðindastovan NTB.

Kvinnan skal hava fingið blá merki á høgra læri eftir hendingina, sigur politiið, men sakførarin hjá Hegseth vísir hesum aftur.

- Politiið kannaði málið, men fann eingi prógv, sigur hann.

Kortini skapar sjey ára gamla málið ófrið rundan um setanina av Pete Hegseth sum ráðharra, bara tveir dagar eftir at hann varð útnevndur.

CNN sigur, at einki bendir á, at Hegseth er blivin kannaður so væl, sum vanligt er at gera tað, áðrenn tað kemur so langt sum til at kunngera eitt ráðharraevni.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486