Eftirmeta almennu skíggjaráðini

1. desember í ár kemur Heilsustýrið við eftirmeting um almennu skíggjaráðini frá 2021

Skíggjanýtslan hjá føroyskum børnum og ungum er ikki kannað.  

Men Heilsustýrið heldur, at ein slík kanning átti at verið gjørd. 

Landsstýrismaðurin er samdur, og hann fer at seta seg í samband við Heilsustýrið um í felag at gera eina kanning.

Tað sigur Djóni Nolsøe Joensen, landsstýrismaður, í svari til Bárð á Lakjuni, løgtingsmann.

Nógvar kanningar um skíggjanýtslu eru gjørdar uttanlands. 

Granskarar eru ikki á einum máli um, hvørja ávirkan skíggjanýtsla hevur á børn og ung, stendur í svarinum hjá Djóni Nolsøe Joensen.  

Hann sigur, at nú námsætlanirnar í fólka- og miðnámsskúlunum verða endurskoðaðar, leggur hann áherðslu á talgilda partin.